top_leaderboard

ვიქტორ ორბანი: მართლა აქამდე მივიდა ევროპა?

სლოვაკეთის პრემიერ-მინისტრი რობერტ ფიცო ამჟამად სიცოცხლისთვის იბრძვის, ის კვლავ სიცოცხლესა და სიკვდილს შორისაა”, – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.

უნგრეთის მთავრობის მეთაურის თქმით, ის, თუ როგორ გახდა ძალადობა ყოველდღიური ცხოვრების ნაწილი, ხელშესახებია მთელ ევროპაში და ეს დიდი პრობლემაა.

ორბანის განცხადებით, ფიცომ სამსახური უნგრეთისთვის ყველაზე ცუდ დროს დატოვა, რადგან ევროპაში ომისა და მშვიდობის საკითხი ევროპარლამენტისა და აშშ-ის არჩევნების საფუძველზე გადაწყდება. მისივე თქმით, ამ ბრძოლისთვის ფიცო ნამდვილად საჭირო ფიგურაა.

„ყველას გული სწყდება მკვლელობის მცდელობის გამო, ყველა შეძრწუნებულია, შოკირებულია, ხალხი ამბობს, მათ შორის მეც, მართლა აქამდე მივიდა ევროპა?“, – აღნიშნა ვიქტორ ორბანმა.

ასევე იხილეთ