top_leaderboard

დავით ქართველიშვილი: არა „რუსულ სარწმუნოებას” – აი რაში ყოფილა საქმე. არ მინდა რამე ზედმეტი წამომცდეს – კარგი იქნებოდა ამ ყველაფერზე გამოცდილი ფსიქიატრების და ნარკოლოგების კვალიფიციური განმარტებების მოსმენა

თბილისში მიმდინარე საპროტესტო აქციის ერთ-ერთი მონაწილის მოწოდებას „არა რუსულ სარწმუნოებას“ სოციალურ ქსელში ეხმიანება „ხალხის ძალის“ წევრი დავით ქართველიშვილი და ამბობს, რომ ყოველივე ეს სხვა არაფერია, თუ არა უმძიმესი ნარკოტიკული ზემოქმედებით გამოწვეულ ფსიქიკური აშლილობა.
დავით ქართველიშვილი შიშობს, რომ მსგავსი მოწოდებები ახალგაზრდა, ეგზალტირებული გოგონას მხრიდან პოლიტიკას სცდება და არის წმინდა სამედიცინო პრობლემა და კარგი იქნება გამოცდილი ფსიქიატრების და ნარკოლოგების კვალიფიციური განმარტებების მოსმენა.
„როგორ შეიძლება „სარწმუნოება” დაგვეტოვებინა, როდესაც ჩვენ ყველაფერი რუსულის წინააღმდეგ დავდეთ ფიცი, ამ დროს რუსულთან ერთი და იგივე სარწმუნოება გვაქვს – რა თქმა უნდა ამოვიღებდით,” – ამას რომ მოვუსმინე, მივხვდი რომ უმძიმესი ნარკოტიკული ზემოქმედებით გამოწვეულ ფსიქიკურ აშლილობასთან გვაქვს საქმე. ახალგაზრდა, ეგზალტირებული გოგონა გვიხსნიდა დღეს ამას.
 არა „რუსულ სარწმუნოებას” – აი რაში ყოფილა საქმე. არ მინდა რამე ზედმეტი წამომცდეს – კარგი იქნებოდა ამ ყველაფერზე გამოცდილი ფსიქიატრების და ნარკოლოგების კვალიფიციური განმარტებების მოსმენა. ეს აღარაა მხოლოდ პოლიტიკური აშლილობის ან ნეირო-ლინგვისტური პროგრამირების შედეგი – ეს არის ამასთანავე წმინდა სამედიცინო პრობლემა. პანდემიის დროს ლამის საყოველთაო აცრის პროპაგანდა მესმის, ამ შემთხვევაში რა ვქნათ? მივუშვათ ქვესკნელის ბოლომდე? – წერს დავით ქართველიშვილი.
ასევე იხილეთ